أبي كشف أسراري وأفسد حياتي.. ما الحل؟

تكفون احتاج حل ضروري وصارم اقدر استعيد فيه صورتي الاجتماعيه انا بنت عمري ٢٠ سنه من وانا طفله كنت اعاني من تعب حسد عين تعطيل وكان الشيخ دايم يقرا علي واتعب لكن ما لقيت حل لمشكلتي نهائي فاستمر الوضع تعب وكل ماله يزداد سوء

المشكله مو هنا المشكله الاعظم ابوي يتكلم بكل شيئ عني بالتعب وامراضي النفسيه وكمية العلاجات اللي استخدمتها للناس اكتشفت بالصدفه او بالغلط انه يكلم عماتي واعمامي كلهم احنا متقاطعين معهم من فترة طويله جدا والتواصل بينا شبه منقطع وابوي على علم بذلك

المهم اعمامي وعماتي يكرهونا واخذوا كل سالفه قالها لهم ابوي من وانا صغيره لين الحين وقالوها للناس كل من هب ودب صاير يشفق علي ويقترح علي بسوالف انا ما اقولها لاحد نهائيا اشياء خاصه فيني المصيبه ابوي جاي يقول انت رزقك انقطع ومحد يبغى يتزوجك عشانك تعبانه ولازم ندور حل نهائي يساعدنا ويساعدك

تكفون تعبت نفسيا الناس صارت تدري وتتشمت وتقط كلام وفوق كذا ابوي كل شيئ بحياتي خاص يقوله للناس امانه ابي حقي وصورتي وقوتي يرجعون انا شلون اتخطى الحين