أمي وأختي خربوا حياتي.. هل من حل؟

السلام عليكم أنا كنت متجوز وقاعد ف بيت عيله بس والدتي واختي كانو بيكر..هو مراتي بدون سبب وحصلت مشكله بينهم هما التلاته ف أنا ضر.بت مراتي بالقلم قدام امي واختي برغم أن مراتي مكنتش غلطانه أنا ضرب.تها ومكنتش ف وعي خالص والله وبعد ما ضربتها زعلت من نفسي اني ضربتها بدون داعي خصوصا أن دي كانت اول مره امد ايد.ي عليها المهم مراتي عيطت وطبعا امي واختي كان عاجبهم الموضوع وكان على هواهم بعدها مراتي اخدت البنت وطلعت شقتها وانا طلعت وراها عشان اعتذرلها ع اللي حصل واني كنت مضغوط وغصب عني المهم طلعت لقيتها بتلم كل لبسها ولبس البنت واخدت دهبها وكل حاجه فضلت اعتذر ليها وهي مبتردش خالص ومشيت و ف نفس اليوم ابوها اتصل بيا وشتمني وقالي معاك 48 ساعه وتطلق بنتي والا همشي ف إجراءات قضية طلاق ف طنشتهم وقولت لما يهدو اتكلم معاهم وعدي كام يوم ولقيت اعلان قضيه طلاق جالي البيت وبختصار مراتي كسبت القضيه واطلقت من ٦ شهور واخدت تمكين من الشقه عشان حاضنه بس هي مقفولة ومش بتدخلها واتعمل عليا نفقه لبنتي تقريبا نص مرتبي واكتر وانا مرتبي اصلا ع القد المهم طنشتها اول 3 شهور ومكنتش ببعت النفقه لحد ما لقيت بتوع تنفيذ الأحكام جاين ليا ويا دفع يا الحبس ولازم ادفع ال3 شهور وانا مكنش معايا فلوس تكمل ف والدتي راحت ليها عشان تتنازل وتصبر عليا ف طليقتي ردت عليها بمنتهي قلة الأدب وتقريبا غلطت فيها وقالتلها وانا مش هرتاح غير لما احبسهولك المهم استلفت من الناس وسديت الفلوس اللي عليا هي ليها قرايب مناصب في البلد عندنا ف كل شهر واحد شكل يكلمني ويقولي بكره فلوس النفقه لو مراحتش هنبعتلك بتوع تنفيذ الأحكام أنا دلوقت مبقتش عارف ادفع النفقه وبقيت بستلف كل شويه دخلت ناس تهديهم من ناحيتي شويه معرفوش وكل كلامهم اترفض وانا مش عارف اعمل ايه