الإستشارة 26/05/2026
0
أنا كل يوم قبل ما أنزل الشغل حوالي الساعة ٦ الصبح كنت بصحيها تعملي فنجان قهوة قبل ما أمشي الموضوع بالنسبة لي كان عادي جدا ومكنتش بطلب حاجة كبيرة مجرد قهوة أشربها وأنا خارج للشغل.
لكن من كام يوم قالتلي إنها متضايقة من الموضوع وإنها مش شايفة إن فنجان قهوة يستاهل إني أصحيها من النوم مخصوص، وإن طالما أنا صاحي أعملها لنفسي وخلاص خاصة انها بتنام بالعافية من ابننا اللي عنده ٤ شهور وحسستني اني جاي عليها ومش مقدر تعبها طول اليوم في البيت ومع الولد.
بصراحة كلامها ضايقني اوي أنا لو كنت بطلب منها تقوم تحضر فطار مثلا كل يوم كنت ممكن أفهم اعتراضها لكن ده مجرد فنجان قهوة يعني الموضوع بسيط ومن يومها زعلت من كلامها وقررت إني ما أطلبش منها أي حاجة خالص. بقيت أعمل القهوة بنفسي وأفطر بره أو في الشغل وحتى العشا بقيت أجيبه جاهز من بره بدل ما أقولها تعملي أي حاجة.
هي دلوقتي بقت هي اللي زعلانة من تصرفي وبتقولي إنها كانت تقصد القهوة بس ومكنتش تقصد إني أبطل أطلب منها أي حاجة. لكن أنا بصراحة لسه متضايق من كلامها وحاسس إن طلب بسيط زي ده كان ممكن يتعمل من غير كل الكلام ده والقصة اللي عملتها ومش عارف أتعامل إزاي معاه.
إيه التصرف الصح من وجهة نظركم مش المفروض يبقى في موقف مني عشان ده دورها ودور اي ست في بيت جوزها ولا الدنيا اتشقلب حالها هو ممكن يكون موقف بسيط بالنسبالكم بس انا عايز ابني عليه حياتي معاها عشان متكرووش تاني ولا انا غلط
لم تتم الاجابة بعد
