عمري حاليا ٣٦ سنة لما كان عمري ١٣ سنةكنت بالغة كذبت كذبة فيها افتراء علي شباب جيراننا وقولت شوفت بنات ناحية الباب والباب اتقفل وكنت برد علي جارة لينا قالت شافت كان كل تفكيري كدبة عبيطة مكنتش فاهمة يعني ايه مظالم وحقوق عباد بالغة اه بس معرفش حاجة عن مظالم او رد حقوق اهلي صدقوني والموضوع كبر وقتها بس خوفي منعني اقول الحقيقة خوفت من ماما اني اقول انا كنت كدابة فضلت اكبر و وعي بيكبر واستغفرت كتير وتوبت وندمت وبقيت بطلع صدقات للشباب دول ودايما بدعي ربنا يقبل توبتي وهما سافروا ومفيش علاقة دلوقتي بينا وبينهم غير امي بتكلم خالتهم وعلاقتهم طيبة انا دلوقتي ٣٦ سنة اتجوزت وبقيت ام وحامل تاني بس من شهر رمضان اللي فات الذنب ده واجعني اوي وحاسة ان توبتي مش هتتقبل غير بالتحلل بس انا مش عارفة اوصل لهم مباشرة وخايفة برضه اواجه امي دلوقتي علشان توصلني بخالتهم خايفة عليها وصدمتها فيا وخايفة يحصل لها حاجة انا الندم بيموتني ووصلت لمرحلة وحشة اوي وانا خايفة علي امي وجدتي من صدمتهم ممكن يحصل لهم حاجة هل ندمي وتوبتي ربنا ممكن يقبلهم ويرضيهم عني يوم القيامة حاسة ان ذنبي اسوا ذنب في الكون وحاسة ان اية لا تقنطوا من رحمة الله ان الله يغفر الذنوب جميعا مش شاملة لذنبي والله عارفة اني غلطانة غلط وحش اوي وكنت بالغة بس اقسم بالله مكنتش فاهمة ابعاد الذنب ايه مكنتش عارفة ان في حاجة اسمها مظالم وحقوق عباد انا كده خلاص من الهالكين في النار مفيش امل ربنا يرحمني ويقبل توبتي انا خايفة علي امي اوي من اللي ممكن يحصل لو رحت قولت لها وانا صغيرة كنت كدابة ومفيش طريق اقدر اوصلهم مباشرة من غير تواصل امي مع خالتهم وامي صعبانة عليا اقولها انا كنت وحشة اوي يا ماما زمان انا ندمانة والله والاحساس بالذنب وصلني للمرض بس مش عارفة اعمل ايه علشان ربنا يساعدني خايفة اوي من الاخرة خايفة حقوق العباد دي تمنعني من الجنة انا خايفة اوي من النار اللي مخوفني ان عندهم علم باللي قولته في حقهم