الإستشارة - المستشار : أ. فاطمة عبد الرءوف
- القسم : الخطبة والعقد
- التقييم :
- عدد المشاهدات :
108 - رقم الاستشارة : 2623
09/09/2025
108
أنا خطبت صارلي ٣ شهور تقريباً، قبل الخطبة اتعرفت عليه لمدة شهر وكان وضعه المادي على قده وكان تارك شغله من فترة قصيرة خلال الشهر هاد الي تعرفنا فيه ع بعض اجاه شغل تاني بس راتب اقل واول ما داوم حكالي بدي اتقدملك وانا وافقت لانه صراحة حسيت حالي كبرت شوي بالعمر وفرصي كتير قليلة بالزواج بحسها مع اني متعلمة وشكلي مقبول بس خلال عمري كله ما تقدملي حدا بشكل جدي وغير انه وضعي عند اهلي كتير سيئ وما بصرفو علي وانا ما بشتغل حاليا ف قلت انه خليني اتزوج واستقر واعمل عيلة لاني تعبت بحياتي وخلص بدي استقر فوافقت.
هلا خطيبي قلبه طيب ومنيح ومستحيل يتركني زعلانة منه حنون كمان كتير وشاطر بشغله وبعرف يدير امور حياته وبفكر لقدام وبصلي واهله راضيين عنه ومش مقصر بأمه وابوه وببرهم وبحن عليهم والي بحن ع امه واهله رح يحن ع مرته اكيد هاي بعتبرها ميزات فيه.
هلا سلبياته بالنسبة الي اول اشي انه مش كتير بعرف يتعامل مع الناس يعني ما بعرف يلاطف ولا يجامل وبكب الكلام كب مرات للناس وحتى معي مرات وهاد الاشي عكسي تماما انا كتير بحسب حساب مشاعر الي قدامي وبحب اشكر الي بقدملي اشي وبحب الاطف الناس واتعامل بهدوء يعني احنا عكس بعض بكتير شغلات طريقة تفكيره بتختلف عني وبيئته كلها غير البيئة الي انا تربيت فيها.
بس الاختلاف بالنسبة الي مو مأثر كتير لانه لما نعيش مع بعض ممكن اعوده على شو انا بحب اذا اقنعته انه صح الي بدي يتعود عليه زي ما هو ممكن يقنعني ويعودني ع شغلات هو بحبها كمان ف بحاول اتغاضى عن هاي المواضيع.
هلا المشكلة الاكبر بعلاقتي معه انه انا خلال طلعاتي معه وتعاملي معه خلال فترة الخطبة خلتني اصير اشك انه بخيل او ايده ماسكة شوي ومستحيل يصرف اشي ما بحسه هو انه مهم وضروري من وقت ما خطبنا لما ييجي عنا ما جاب معه اشي غير ٣ مرات مع انه كل اسبوع بييجي والي كان يجيبه معه مرة علبة شوكولاتة حقها ما بتعدى ال٣ دنانير ولما قدمتله بالمرة التاتية الي اجا فيها عندي من الشوكولاتة الي جابها رماها من كتر ما طعمها سيئ وما كان عارف انه هاي الشوكولاتة الي جابها هو ومرة جاب معه فواكة ومرة جاب علبة حلو.
هلا بابا اجا عندي وقالي احكي لخطيبك لا يجيب اشي معه وانا فهمت من كلام بابا انه لاحظ اشي وما بده يحكيلي اياه المهم حكيت لبابا احكيله انت راح بابا وحكاله يا ابني انا بعرف انت بعدك شب وبدك تأسس حالك لهيك ما تكلف حالك وتجيب اشي معك واذا بدك تجيب جيب لخطيبتك وبس.
هلا انا ما جابلي ولا اشي من يوم ما خطبنا غير هديتين وبرضو ما بتعدو ال٥ دنانير بطلع انا واياه ما عنده استعداد يمد ايده ع جيبته ويدفع اشي غير لو اشي اله هو اما الي بدي اشتريه الي بدفعه انا ولو كان حبة شوكولاتة باجي اشتري وبعطيه بحكيله روح انت ع الكاش حاسب لانه مش حلوة اله كزلمة معي انا الي احاسب قدام الناس عشان قيمته ع مستوى بكيت شييس بفوت انا بشتريه مني وهو بكون معي اكتر من مرة رحت ع بيت اهله واحمل معي حلو وما افوت وايدي فاضية وحتى لما يمرض حدا عندهم باخد معي اشي وبروح بزورهم اما هو بمناسبة عنا أو مرض حدا من عنا بييجي بس مستحيل يحمل بايده اشي.
اخر فترة صرت بدي اتجرأ واطلب انا عشان اشوف بعمل ولا لأ طلبت منه نجيب كنافة صار يحكيلي انا ما بدي معدتي بتوجعني ومو كتير بحبها وراح جبلي صحن ومعلقتين واكل معي نص الصحن ومرة تانية قالي اكلتي قلتله لسا قالي تعي نجيب شاورما قالي اجيب وجبة الك ووجبة الي قلتله اوك جيب نزل جاب ولما اجا كان جايب معه وجبة وحدة سوبر قلتله ليه جايب وحدة قالي باكل معك شوي لانه مو جوعان انا اكلت كم حبة وقلتله شبعت وكملها هو هلا اكيد صحتين وعافية بس ليش هيك كل مرة بيعمل مش فاهمته انا بقرف من هاي التصرفات.
في كتير مواقف صارت مو قادرة احكيها بس انا صرت اخاف هاد مستقبل وفي ولاد بالمستقبل وحياة طويلة.
حكيت مع اهلي بالموضوع حكولي لا تنسي بيئته غير وانهم ناس بسيطة ويمكن هو ما بعرف بهالامور وانتي الي بتعلميه وبنفس الوقت حكولي اذا اتأكدتي من انه بخيل وبدك تنفصلي ما عنا مشكلة بس انا مش عارفة كيف اتأكد ما بدي اظلمه انا والله مش مادية وفاهمة انه وضعه على قده بس لو بالشهر مرة وحدة شال ٢٠ ليرة ع جنب وحكى بدي ابسط فيهم خطيبتي ما رح يكسروه ع الاقل برتاح بالي وببطل افكر بالطريقة الي بفكر فيها هاي.
اخر مرة صار بينا موقف بمحل وطلب مني انا احاسب لانه ما معه فراطة وكانت مش اول مرة ف انا عصبت وحكيت كل الي بقلبي وقلتله ما في شب هيك بعمل مع خطيبته وانا خلص بطلت قادرة اتحمل وطلبت منه ننفصل وحكالي انا مش زي ما بتفكري وقالي اعطيني فرصة اثبتلك اني مش هيك بعدها عزمني ع مطعم واخدني على كافيه وبعد بفترة قصيرة رجع زي اول نفس التصرفات.
احكولي شو اعمل اصبر عليه كمان ولا انفصل انا ما بدي اكون بظلمه وبنفس الوقت ما بده اظلم حالي حكيتلكم ميزاته وحكيتلكم شو عيبه الي مو قادرة اتقبله وبدي اشوف رأيكم عشان ما اندم.
ابنتي الحبيبة، أهلاً وسهلاً ومرحبًا بك في موقعك البوابة الإلكترونية للاستشارات.. في البداية كنت أريد مناقشة فكرتك عن الزواج فأنت تقولين إن عمرك قد كبر ولم يتقدم لك خاطب بشكل جدي رغم تعليمك العالي وملامحك الطيبة وأناقتك وأنك ابنة لعائلة جيدة، لكن هل هذا يعني القبول بأي خاطب، ولا أعني بأي خاطب أن يكون بالغ السوء! ولكن أقصد أي خاطب لا يملأ عينك كما يقال لضعف أحواله المالية أو لأنه من بيئة اجتماعية أقل أو لطبيعته الشخصية أو حتى شكله ومظهره.
تقولين أيضا إنك لا تعملين في الفترة الحالية وأسرتك تضيق عليك في الأمور المادية، فهل هذا مبرر كاف للزواج وتكوين عائلة؟ إن كان الأمر كذلك ألا يشترط في زوج المستقبل أن يكون لديه الدخل الكافي الذي يضمن لك الحياة في نفس المستوى المادي الذي اعتدت عليه، وهذا لا يعني بحال أنك شخصية مادية، وإنما يعني أنك شخصية واقعية في رؤيتها وتطلعاتها، فهل يستطيع خطيبك أن يحقق لك هذا المستوى المادي خاصة عندما يأتي الأطفال؟ وإذا كان لا يستطيعه فهل سينخفض بصورة كبيرة لا تستطيعين تحملها أم بصورة محدودة يمكنك تحملها مع بعض الصبر والصمود؟
أنت تقولين إنه يعمل حاليا في وظيفة دخلها أقل وأنت تعلمين هذا الدخل، فهل سيكفي لحياة كريمة أم أنه سيجعلك تعيشين حياة الكفاف؟ هل أنت مستعدة للعمل والمشاركة معه وترين أن ما به من صفات نبيلة يجعلك تغضي الطرف أنه لن يستطيع وحده تحمل مسئولية النفقة (إن كان الأمر كذلك بالفعل)؟
أيضا أنت قلت إن من صفاته المميزة أنه ماهر في عمله يجيد التخطيط له وعنده رؤية مستقبلية، فهل هذا يعني أنه من المتوقع أن يرتفع دخله تبعًا لهذه المعطيات؟ وما هي المدة المحددة لذلك؟ كل هذه أسئلة عليك أن تجيبيها حتى تعلمي موضع قدميك.
بخل أم فقر
وفي ضوء هذه الأسئلة أيضا تستطيعين أنت أن تجيبي هل هو رجل حريص على المال إن لم نقل إنه بخيل؟ هل مقدار ما يحصل عليه من دخل لا يمكن أن يجعله يقدم بعض المجاملات اللائقة خاصة لك؟ هل هو يسخر كل دخله لتجهيز منزل الزوجية؟ أنت قيمي الموقف بدقة ثم تحدثي إليه بصراحة، سواء على المستوى المعيشي المنتظر بوجه عام أو في نقطة إدارته لأموره المالية، وأن استقطاع هامش بسيط من راتبه يوجه للهدايا والترفيه مسألة مهمة بالنسبة لك لأنها تحقق درجة من الرفاه النفسي قبل المادي..
غالبا هو سيتفق معك، اجعليه يقدم مقترحات محددة تكون في استطاعته ويقدم قواعد ثابتة تحكم علاقته بك كنموذج لاقتراح محدد أنه مع بداية كل شهر يقوم باستقطاع مبلغ كذا من الراتب للهدايا والمجاملات، ولا بأس من توضيح الأمر له، فكما تزورين شخصًا مريضًا من عائلته وأنت معك هدية مناسبة عليه أيضًا أن يراعي هذه النقطة عندما يزور مريضًا من عائلتك وهكذا.
ومن نماذج القواعد الثابتة أنه إذا خرجتم واشتريت أنت شيئًا بسيطًا فعليه أن يحاسب هو عليه.. بالطبع أنت لن تحرجيه وتشتري شيئا باهظا، لكنني أريد فقط وضع القواعد، فمن الواضح أنه لا يعرف الكثير منها ولا طريقة لمعرفتها إلا شرحها والنقاش حولها واتخاذ قرار بدون ضغط حولها.
رجل نبيل
فيما عدا هذه الثغرة في حياته وشخصيته فيكاد يكون خطيبك شخصا نبيلا قلّ أن تجدي مثله.. فهو شاب يصلي.. يبر والديه.. حنون معك.. جاد معك (مجرد أن حصل على فرصة عمل تقدم لك) حريص ألا تغضبي أو تحزني.. يتجاوب مع ما تقولين.. تشعرين بطيبة قلبه وصدقه، وكل صفة من هذه الصفات تستحق منك أن تتريثي في الحكم عليه..
وأستطيع أن أقول لك من واقع الاستشارات التي نعايشها كل يوم أن هذا المعدن الطيب قليل بالفعل، ولا يعني هذا أنني أقول لك أن تغضي الطرف عن عيوبه أو عن المشكلات التي تشعرين بها معه، ولكننني أدعوك لموازنة المميزات والعيوب ومنح كل ميزة أو عيب حجمها الحقيقي، فأنت بنفسك قمت بالتقليل من عيوب أخرى مثل أنه لا يجيد الكلام المنمق أو أن نشأته في بيئة مختلفة تجعل هناك فروقًا في طريقة التفكير والاحتياجات بل والتعاملات.
ابنتي الغالية، لقد أظهرت وعيًا كبيرًا وأنت تتحدثين عن التأقلم والتكيف وبعض التنازلات للالتقاء في منطقة وسطى، فهل هذا يمكن إسقاطه أيضًا على طريقة تعاملاته المادية.. هذا السؤال أنت فقط من تستطيعين إجابته وأنت أيضا من سيجيب هل هذه التعاملات المالية ناتجة عن الفقر أم البخل وهل ستستطيعين تحملها أم لا (فكل شخص فيه عيوب ولكنْ هناك عيوب نستطيع التعامل معها وعيوب أخرى تحطم حياتنا) وعندما توضع على الميزان مع مميزاته أي الكفتين سترجح.. أجيبي بنفسك.. أجيبي بصدق.. لا توجد إجابة صحيحة وإنما توجد إجابة حقيقية..
الزواج ربما يكون أهم مشروع في حياتك فلا بد أن تمنحي هذا المشروع حقه من الاهتمام، بدءًا من دوافع الزواج مرورًا بالعقبات والمميزات انتهاء بأخذ القرار.. استعيني بالله تعالى كي يلهمك الصواب ويريك الحق حقا ويرزقك اتباعه.. أسعد الله قلبك وأصلح حالك ورزقك الخير كله عاجله وآجله، وتابعيني بأخبارك.
