السلام عليكم ورحمة الله وبركاته أنا بقالي شهرين متجوزة والحمد لله مبسوطة جدا مع جوزي. ومن يوم ما اتجوزت ما رحتش أبات عند أهلي ولا مرة، لأني حاسة إنه لسه بدري على كده، وحتى زياراتي ليهم كانت مرتين بس. بابا وماما قاعدين لوحدهم دلوقتي في البيتو إخواتي الكبار كلهم متجوزين بره وانا ساكته بعيد عنهم بشوية حلوين بقالي أسبوع تقريبا بابا كل يوم بيتصل بيا ويقعد يزن عليّا عشان أروح أبات عندهم، ويقولي تعالي يا بنتي وحشتيني وتعالي اقعدي يومين عندنا وأنا كل مرة أتحجج بأي حاجة وأتهرب هما صعب يجولي عشان وضعهم الصحي مش احسن حاجه يعني جولي من يوم الجواز ٣ مرات النهارده رجع اتصل بيا وقال لي أخواتك هيجوا يوم الجمعة يباتوا عندنا لحد يوم الأحد تعالي اقعدي معانا اليومين دول وحشتنا لمتنا كلنا مع بعض وإحنا كلنا مشتاقين لك وكلام من ده كتير هو وماما بس أنا مش عايزة أبات عندهم. عادي أروح أزورهم أي وقت وأقعد معاهم شوية وأرجع بيتي لكن موضوع المبيت ده مش حابة أعمله دلوقتي وجوزي للعلم مش هيعترض لو قولتله أبات بس انا مش حابه وقلت له إني هكلمه بكرة وأقوله إذا كنت هاجي ولا لأ. أنا بفكر أقوله بصراحة إني بحب أزوركم جدا لكن أفضل أرجع بيتي في نفس اليوم، عشان أوقف موضوع الزن بتاعهم ده وفي نفس الوقت مش عايزة أزعله أو أحسسه إني بعيده عنه. أعمل إيه بالله عليكم انصحوني لأني محتاجة آخد قرار بسرعة