انا سيدة عندي ٥٨ عام متزوجة منذ ٣٣ عام برجل يكبرني ب ٤ سنوات وعندي اربع ابناء تزوج منهم اثنين والحمد لله طوال سنوات زواجنا كان زوجي بيسافر شوية ويجي شوية وانا اضطريت اخد اجازة من شغلي لمدة ١٨ عام حتي اراعي الاولاد واتعلمت السواقة كي اوصلهم للمدارس ختي نوفر تمن الباص لغاية ماالحمد لله اتخرجوا من احسن الكليات من هندسة وطب بفضل الله والشهادة لله زوجي كان لما بينزل اجازة بيشيل المسؤلية عني وعمره ما بخل علينا في اي فلوس المشكلة بدأت لما طلع علي المعاش ونزل نهائيا مصر وانا طبعا كنت رجعت شغلي من حواليى٨ سنوات بدأت المشاكل بيننا علي اتفه الاسباب وبدأ عند اي مشكلة يخاصمني ويهجرني فترات طويلة مما زاد من الجفاء والشحناء لغاية مرة كان في مشاجرة بيننا طردني لبيت امي وانا في هذا السن وفرج علي اخواتي وبنات اخواتي وجيران امي وللاسف حرض اولادي علي ولم اجد منهم احد يتعاطف معي بعد كل العملته له ولهم ولما رجعت ظلت برده الخلافات مستمرة لغاية مرة كانت خناقة عادية رمي علي يمين الطلاق وده اول مرة يعمل كده وكان مصر للذهاب للمأذون حتي نوثق الطلاق وقعدت اتحايل عليه انا مش عايزة اطلق لاني للاسف انا غير حاضنة وهخرج من البيت واعيش بمفردي بعد ما اصبحت جدة في هذا العمر وبعد فترة اتحايلت عليه فرجعني وللانصاف هو بدأ يعاملني كويس ويجيب كل طلباتي وطلبات البيت وانا برده بعامله كويس وبعمل الاكل اللي بيحبه وبكلمه كويس والحياة ماشية بيننا في هدوء هو في حجرة وانا في حجرة المشكلة دلوقتي انه عايز نرجع كزوجين وتكون بيننا علاقة زوجية بس انا عندي منه نفو ر جامد جداومش طايقة يلمسني ومش قادرة انسي الحصل رغم مرور ٦ اشهر بس جوايا قهر وكسرة قلب وكل يوم افتكر اللي عمله معايا انا خايفة بس يكون ربنا غضبان علي فانا الحمد لله منتقبة وبحفظ القراءن بس اعمل ايه مش بيدي مش طايقاه كزوج