زفافي بعد 4 شهور وأعاني من التوتر والقلق.. ما الحل؟

فرحنا بعد ٤ شهور وبقالي فترة مش بنام يعني ممكن لو نمت تكون ع الساعة ١٠ أو ١١ الصبح واصحى بعد الضهر وبيكون نوم قلق وبقوم مصدعة وعلى الحال ده لحد ما تعبت لا عايزة اخرج ولا اتكلم مع حد حتى خطيبي بقينا نقفش مع بعض كتير في الفون.

وعلى فكرة مرتين في شهرين كنا هنفركش وصلت انه فضل يقارني بأخته ومامته بحجة ان هو خايف ع صحتي كده وهو كل همه عايز يعودني علشان اشيل المسئولية وبحسه بيضغط عليا ومعندوش حاجة اسمها مشاركة حتى زن الاطفال بيتخنق منهم وبيقولي هتتعاملي لوحدك وانا كل الكلام ده بيوترني بلس ان انا عندي مخاوف اصلا ومن ٤ ايام كلمني وانا فعلا كنت بقاوم بالعافية فبيتكلم معايا فغصب عني بقوله انا فصلانه عايزة انام ولما اضايق مني فقولتله جملة عفوية مقصدتش منها حاجة قولتله ع فكرة انا هجربك اقصد بعد الزواج قولتله لو فضلت تتعبني كده مش هكمل معاك اتعصب عليا وفضل يديني دروس في الكلام والتعامل وقالي هخليكي تتقفلي م حياتك كلها وانا فضلت اعيط قولتله انت اصلا اللي مسببلي كل الضغط ده واتخانقنا ومعرفش احنا تقريبا قولنا لبعض اننا مش هنكمل ومبنكلمش بعض م وقتها وهو اكيد مستنيني اعتذرله هو انا فعلا غلطت في حقه ولا هو اللي مش محتويني وعصبي