الإستشارة - المستشار : أ. فاطمة عبد الرءوف
- القسم : الخطبة والعقد
- التقييم :
- عدد المشاهدات :
119 - رقم الاستشارة : 4443
28/03/2026
119
السلام عليكم انا في اولى جامعه ومكنش حد في دماغه ان يجي عريس ليا ومكنتش بفكر حرفيا بس فجاءه بابا قالي في عريس عاوز يتقدم بابا اصلا كان رفض عشان انا صغيره بس واحده اقنعته وقالتله عادي دي هتتخطب مش هتجوز دلوقتي انا اول ما سمعت رفضت بحكم اني لسه صغيره ومش في دماغي اصلا وبعدين شوفت صورته معجبنيش وكان سنه بالنسبالي كبير الفرق ما بينا كان 9 سنين.
قعدوا يقولولي فرق السن دا عادي واهم حاجه يبقى كويس وكدا فقولت ماشي هشوفه اول ما جه واتكلمنا مع بعض لقيت شخصيته كويسه جدا واحنا الاتنين تفكيرنا واحد وهو سلس واعقل مني ومتقبلني كلي على بعضي بس شكله بالنسبالي مش حلو وحرفيا مش ببالغ لو هقول كله قال أنه شكليا مقبول بس يعني اعذريني انا شكليا حلوه اوي حتى الناس كانوا بيحسبوني مش من الدوله دي اصلا
فاهلي قالولي اخطبي وشوفي بعدين انا أما كنت بقعد معاه مكنش بيبقى فيه مشكله بس اما بيمشي وبعديها بفكر في الموضوع تاني والخطوبه قربت على 3 شهور الاول كان الموضوع شكله وحبه اقول اني مش مستعده للخطوبه ومنتش عايزه دلوقتي اصلا من الأساس وحبه بقيت ابص لنفسي واللي حواليا اني وهما وحشين
انا في المده ديه بعيط وكنت بصلي واستخير وانا حاسه اني بقيت كئيبه خالص لدرجه اني وانا بفطر بعد الصيام مش ببقى قادره اكل اصلا ولا عاوزاه يتاكل وانا في المده ديه بردوا كان في حاجه في نص صدري وجعاني ومزهقاني وحبه قلبي بقى يوجعني هو دلوقتي مفيش بس انا كل ما اتكلم مع حد ابدأ اعيط ...
هو المشكله ان اللي حواليا شايفين اني مكبره الموضوع خصوصا يعني أنه متكامل من كل النواحي سواء عقليه أو ماديه أو اجتماعيه وكمان هيسفرني للدوله اللي انا عيزاها وكمان أهله بيحبوني خالص ومحترم جدا يعني مكنش بينا كلام حب خالص أو تجاوزات من اي ناحيه
ماما استخارت كتير بسببي وقعدت تقولي مستخسره اني اسيبه بس انا بردوا مش عايزه أنه يزعل مني ولا أهله ولا اهلي بس انا زهقت بجد من الموضوع 3 شهور على الحاله ديه ومفيش تقدم وهو اصلا حاسس ان في حاجه وبيقولي مالك أقوله مفيش ومش هعرف اصلا افاتحه في الموضوع عشان مش عايزاه يزعل مني.
ممكن تشوفوني مغروره بنفسي أو اني بأفور انا بقيت معرفش اصلا اعمل ايه الموضوع مأثر على دراستي جامد والامتحانات قربت وانا مش عايزه الموضوع يأثر للدرجه ديه بس انا حرفيا زهقت بجد سواء من نفسي او من الدعاء أو من اهلي أو من اي حاجه حرفيا
وعليكم السلام ورحمة الله وبركاته، ابنتي الكريمة وأهلاً وسهلاً ومرحبًا بك في موقعك بوابة الاستشارات الإلكترونية.
يمكنني تلخيص استشارتك على هيئة نقاط فهذا يساعدك على رؤية الصورة الكلية لمشكلتك:
- أنت لم تكوني تفكري في الخطبة في هذه الفترة نظرًا لصغر سنك.
- لم تشعري بالانجذاب لهذا الشاب عندما رأيت صورته وكان لديك ملاحظات على فارق العمر.
- عندما رأيته في الحقيقة لم يعجبك شكله رغم أن الجميع يقول إنه مقبول ولكنك ترين نفسك أجمل منه بكثير.
- أعجبتك شخصيته وأفكاره وسلاسته.
- مدة الخطوبة 3 شهور وأنت تقريبًا لم تشعري بالارتياح إلا قليلا.
- أنت تعانين من الحزن والبكاء وتشعرين أنك مقدمة على الاكتئاب.
- أصبحت لا ترغبين في الطعام حتى لو كنت صائمة.
- تشعرين بألم في منتصف الصدر.
- كلما تحدثت عن الأمر بدأت في البكاء بشكل تلقائي.
- قمت بصلاة الاستخارة أكثر من مرة.
- والدتك قامت بصلاة الاستخارة أكثر من مرة.
- والدتك تقول لك إنه عريس ممتاز ولن يتكرر وتضغط عليك بطريقة ناعمة.
- جميع من حولك يرون ما تراه والدتك وأنه عريس متكامل ويتم اتهامك بالمبالغة في مشاعرك.
- سوف تسافرين معه إلى دولة تحلمين بالسفر إليها.
- هو رجل محترم وخلوق ولا يقوم بأي تجاوزات.
- أهله يحبونك بشدة وعلاقتك بهم طيبة.
- أنت لا ترغبين في مضايقته أو إيلامه هو أو عائلته أو عائلتك.
- هو يشعر بهذا الحاجز النفسي ويسألك وتنكرين حزنك عنه.
- أنت خائفة من اتهامك بالغرور أو المبالغة.
- هناك تأثير سلبي على دراستك وأنت على وشك الامتحانات.
- الأمر وصل حد أنك تشعرين بالملل من حياتك ونفسك وعائلتك ومن كل شئ حتى وصل الأمر للملل من كثرة الدعاء.
التوصية
ابنتي الغالية، أنت غير مستعدة للخطبة في اللحظة الراهنة.. على الأقل أنت غير مستعدة للزواج من هذا الشاب، فعلى الرغم من مميزاته الكثيرة التي ترينها فيه فإن علاقتك تفتقر إلى عمود أساسي للزواج الناجح ألا وهو الانجذاب والارتياح النفسي.. التوافق الزواجي يقوم على ثلاث أعمدة:
1- التوافق القيمي أن تكون لكما نفس المبادئ والقيم التي تحكم حياة الإنسان وهو متوفر في علاقتك به.
2- التوافق الفكري ويأتي على رأسه المرجعية الدينية وهو متوفر في علاقتك به.
3- التوافق النفسي والانجذاب والارتياح وللأسف هو ركن أساسي لايمكن تهميشه لصالح التوافق القيمي والفكري، ناهيك عن ظروف مناسبة مواتية أو إعجاب الأهل به.
ابنتي الكريمة، الخطبة التي تضعك على حافة الاكتئاب وتصيبك بالألم الجسدي الناتج عن أسباب نفسية.. الخطبة التي تجعلك لا تتوقفين عن البكاء كلما تحدثت عنها هي خطبة لا تبشر بالخير، لكن إياك إياك أن تملّي من الدعاء أو تعتقدي أن الدعاء والاستخارة لا جدوى منهما، فإذا كانت هذه الخطبة ستضعك في فتنة في دينك فهي شر لك وهذه هي نتيجة استخارتك.. يسر الله أمرك وأسعد قلبك ووفقك في دراستك وحفظ عليك دينك، وتابعيني بأخبارك دائمًا.
روابط ذات صلة:
خطيبته ذات دين وخلق لكنها متوسطة الجمال.. هل يتركها؟
