زوجتي ترفض الاستقرار معي في الغربة

السلام عليكم، زوجتي ترفض العيش معي في الغربة، أنا متزوج من 3 سنين، ومعي طفل عمره سنة، وأنا مغترب في بلد أوروبي، وزوجتي مش عاوزة تسافر معايا، حاولت مرة أجيبها، وبعد ما جت قعدت معايا 3 شهور، وكان كل يوم خناقة، لحد ما نزلتها مصر.

هي عاوزة تقعد عند أهلها، وأنا أبعت مصاريف شهرية من غير ما تعيش معايا، يعني طول الـ3 سنوات زواج، ما عشناش مع بعض 6 شهور على بعض، وأنا مش عارف أكمل في الوضع ده، بس هي مصممة هي وأهلها إنها تعيش معاهم، وأنا أبقى وحيد بره لوحدي ليا طلبات زي أي شاب، ومفيش حد يقف جنبي ولا يساعدني.

وحاليًا بقيت شايف إنها ما تستاهلش حتى إني أبعت لها أي فلوس، ومصاريف ابني فقط كفاية، لأنها ملهاش أي دور في حياتي ومش عارف أعمل إيه، السنين بتعدي وأنا متزوج، بس على الورق فقط، وحتى وإحنا متصالحين، آخرنا نتكلم على واتساب خمس دقايق: سلام، سلام.

ياريت تشوروا عليا، مع العلم إني كلمت أهلها ومفيش فايدة، وهي قالت لي بصراحة إنها مش عاوزة تيجي معايا، وألف شكر.