ما هي حدود العلاقة مع شقيق الزوج؟

متزوجين م ٣ شهور وزوجي ظروف شغله بيروح ٥ ايام وبييجي اجازة يومين وانا بقضي اليومين دول عند ماما وامبارح كنا خارجين فأنا جهزت قبله ونزلت تحت عند بيت باباه استناه واقعد مع مامته شوية لقيت مامته ف المطبخ وقالتلي اطلعي وانا هخلص اللي ف ايديا وجيالك وكده علشان خايفة ع هدومي تتبهدل وطلعت قعدت في الصالة كان أخو زوجي موجود واتكلمنا عادي وكان بيهزر معايا وكده وكان بيقولي يا بنتي انتي طولك اصلا ١٥٠ سم تلبسي كعب ٣٠ سم ازاي بتمشي بيه فزوجي كان نازل وسمعه دخل قالي فين ماما قولتله ف المطبخ وقتها مامته طلعت قولتله نقعد شوية مع طنط قالي واحنا راجعين وهي قالتلنا روحو علشان متتأخروش فلما طلعت انا معرفش ان كلمة اخوه دي ضايقته فبقوله مامتك كانت جاية تقعد معانا فيها أية لو كنا قعدنا معاها شوية فأتعصب عليا جدا وزعقلي وصوته كان عالي ف العربية قالي علشان تكملي هزار هو ايه اللي يخلي اخويا يهزر معاكي بالطريقة دي ويعلق ع لبسك وانتي تردي عليه وتضحكي قولتله هو بيسألني بهزار وانا رديت عادي انت مكبر الموضوع ليه وبتحاسبني ع حاجة تافهه كده بعدين مطلعش غضب سفرك وشغلك عليا انا معملتش حاجة غلط قالي بطلي طريقتك دي انا مبطلعش غضبي ع حد انا بتكلم في حاجة تانية خالص انتي اللي مصرة متفهميش انا بحذرك الأسلوب ده ميتكررش تاني سامعة قولتله وأنا صوتي في دموع انا عايزة أروح قالي ما انت مش مروحة لو عايزة تروحي روحي عند بيت اهلك قولتله خلاص موافقة وديني عند ماما ووصلني وقالي بالمرة وانتي قاعدة هناك تبقي تفكري في اسلوبك وطريقتك وهو سافر النهاردة وانا مش بكلمه ولا هرجعله علشان يعمل فيا كده انا مقهورة ومصدومة فيه علشان ميبقاش ردة فعله معايا كده وانا لسه عروسة والنهاردة سافر شغله ومش هيسأل فيا طول الاسبوع ولما يرجع هيفكر يرجع ياخدني ده لو فكر اصلا يصالحني انا مش عارفة اعمل ايه ممكن تقولولي انا غلطت في ايه؟