يريد التعدد ولا يملك الإمكانيات.. ما الحل؟

Consultation Image

الإستشارة
  • المستشار :
  • القسم : قضايا التعدد
  • التقييم :
  • عدد المشاهدات : eye 0
  • رقم الاستشارة : 6413
17/11/2026

اخويا متجوز بقاله حوالي 7 سنين وعنده طفلين هو ومراته الاتنين بيشتغلوا ومن اول جوازهم كانوا متفقين ان مصاريف البيت تتقسم بينهم كل واحد يشيل النص ومحدش فيهم كان مشيل التاني فوق طاقته والحمد لله الدنيا كانت ماشية والبيت مستقر.

بس اخويا من فترة بدأ يحس انه مش مرتاح في الجوازة مش بسبب خناقات و مشاكل بينهم بس احنا مش عارفين هي ايه بس هو بيقول دايما ان فيه حاجات كتير بينهم مش متوافقين فيها وان مشاعره ناحية مراته مش زي الاول.

المهم اخويا اتعرف على واحدة من دايرة معارفي وصاحبتي من زمان وانا اعرفها كويس واهلها يعرفوا عيلتنا وحصل بينهم كلام ومع الوقت الموضوع اتطور لمشاعر حب متبادلة. البنت عارفة انه متجوز وعنده طفلين ومع ذلك قالت له انها موافقة تتجوزه زوجة تانية واهلها كمان مش معترضين خصوصا ان الجواز هيكون رسمي ومفيش فيه لعب ولا علاقة في السر.

اخويا بدل ما يعمل حاجة من ورا اهلي قرر ياخد الموضوع بجد وفعلا بدأ يدور على شقة ولقا واحدة مناسبة وابتدى يجهزها وطبعا كان مخبي الموضوع عن مراته لأنه كان متأكد ان اول ما تعرف هتحصل خناقة كبيرة وممكن الموضوع يوصل للطلاق. لكن مراته عرفت قبل ما الشقة تخلص ومحدش فينا عارف لحد دلوقتي هي عرفت منين انا عندي شك في واحدة تانية من صحباتي لأنها كانت قبل كده بتحاول تقرب من اخويا وبتلمح انه عاجبها ولما عرفت انه داخل على جواز تاني ممكن تكون راحت قالت لمراته كل حاجة بدافع الانتقام يعني.

من يوم ما مراته عرفت وهي قلبت عليه تماما وقالت له طالما انت قررت تتجوز عليا يبقى انت اللي تشيل مصاريف البيت لوحدك ووقفت مشاركتها في المصاريف اللي كانوا متفقين عليها من البداية وبقت بتدفع بس الحاجات الخاصة بيها وملهاش دعوة بحاجه تانيه حتى ولادهم.

طبعا كده اخويا اتزنق لأنه في نفس الوقت بيجهز شقته الجديدة وبيحاول يحافظ على بيته الاول ومش قادر يشيل كل الالتزامات لوحده وبدأ يقول لمراته لو فضلت على موقفها كده يبقى الانفصال هو الحل ويمكن لما تحس ان الموضوع بجد ترجع تساعد زي الاول. واحنا كأهله مش عايزين نوصل للطلاق، خصوصا ان فيه طفلين ملهمش ذنب في اللي بيحصل ومش عايزين اخويا يخسر بيته الاول بسبب موضوع الجواز التاني.

بس في نفس الوقت انا مش عارفة اقنع مراته بإيه لأنها بتقوله انت اللي اخترت تدخل واحدة تانية حياتنا يبقى شيل قرارك لوحدك ولو فضلت اساعدك في مصاريف البيت زي ما كنا يبقى انا بساعدك في تجهيز جوازك الجديد بطريقة غير مباشرة انا شايفة إن كان فيه اتفاق بينهم من الاول على المشاركة ومش عارفة هل من حقها توقف كل حاجة لمجرد انه قرر يتجوز عليها ؟ وفي نفس الوقت خايفة جدا على مستقبل الطفلين لأن الموضوع لو كبر والطلاق حصل هما اللي هيدفعوا تمن الخلاف.

فمحتاجين رأيكم بصراحة ومن غير تجريح لأي طرف هل مراته من حقها ترفض المشاركة في مصاريف البيت بعد ما عرفت انه ناوي يتجوز عليها؟ ولا الاتفاق اللي بينهم من الاول يفضل زي ما هو مهما حصل و اخويا دلوقتي غلطان لما بيضغط عليها بالطلاق علشان ترجع تساعده زي الاول واحنا كأهله نتصرف ازاي ونحاول نصلح بينهم قبل ما الموضوع يوصل للطلاق، خصوصا إن الجواز التاني لسه ما تمش بس محدش يقولنا امنعوه يتجوز لانه مش مرتاح مع مراته ولا منعناه يبقى كده بنطلمه ظلم كبير وهي كمان لانه مش هيعمل حاجه حرام اساسا

الإجابة 17/11/2026

لم تتم الاجابة بعد

التعليقات

الرابط المختصر :